Ikaw Lamang.

ڡby Gener

Ikaw nga ang mahal
Sa lahat ng pangarap,
Mula sa hatinggabi
Pagdating ng araw,
Ikaw nga ang mahal
Sa bawa't sandali,
Sa katanghalian
Kahit sa tag-ulan.
ڡ
Ikaw nga ang mahal
Sa lahat ng iba pa man,
Walang ibang dinarama
Sa puso't himaymay,
Ikaw nga ang mahal
Kahit tila alinlangan,
Lahat ng salita mo'y
Pilak na pinakikinggan.
ڡ
Ikaw nga ang mahal
Walang kapantay,
Hindi ko rin malaman
Yaring pinagmulan,
Ikaw nga ang mahal
Parang tadhanang sumapit,
Lumbay ay pinaslang
Sabik ang tinaglay.
ڡ
Ikaw nga ang mahal
Sana'y kalimutan
Anghang n'yaring galit
dala ng mahaba kong lumbay,
Ikaw nga ang mahal
Ikaw na lamang,
Sana ay ngitian
Ang pag-asang hinihintay.